مع قرب أعياد شم النسيم كل سنة وأنتم طيبين 🌷💚🙏
عايزين نتعرف على كام معلومه من خبرة السوق 👌
إيه الفرق بين الفسيخ والملوحة ؟
وإيه هي أنواع الملوحة ؟
والسمك يكون أفضل مقلي ولا مشوي ؟
وأهم النصايح مع أكلة السمك ؟؟؟
👈الفسيخ ده سمك مملح بيتعمل من سمك البوري وده سمك بحري
من وجهة نظري إن المخاطرة مع أكل الفسيخ أكبر من سمك الملوحة ( البقار) وده سمك نيلي
والمبرر إن التمليح هو أهم عامل حفظ للاسماك دي وطبعًا طريقة الفسيخ للاسف بيكون فيها التمليح قليل على عكس الملوحة
كمان الفسيخ شرط لحفظه هو التبريد ( يعني لازم يكون في التلاجة) وده مش بيحصل في معظم المحلات
وعلشان كده ( ومن وجهة نظري الشخصية ☝️) الملوحة اقل خطورة من الفسيخ في حالة لاقدر الله التعرض للتلوث البكتيري
ونعرف الفسيخ السليم من ريحته المقبولة ولحمه المحمر ☝️
👈وأنت رايح تشتري سمك ملوحة بيسألك التاجر عايز السمك حجم كبير ولا صغير
الحجم الكبير ( الدكر) وده بيتميز بوجود اسنان واضحة في بق السمكة
الحجم الوسط او الصغير وده ( انثى) وبتتميز بالبطن العريضة ومفيش اسنان
ولما تسأل المتخصصين وهواة الملوحة 😀يقولك إن الدكر فيه لحم أكتر من الأنثى بس الأنثى نسيجها طري أكتر
👈انت عارف ان السمك لو مشوي هيكون أفضل صحيًا من لو كان مقلي
وده بسبب إنه بيتأكسد مع الزيت الحار اللي بيتم استخدامه في القلية
وعلشان كده من الصحي استخدام الزيت لمرة واحدة وتصفيته
👈هقدملكم بعض النصائح وانتو بتاكلو الأكلة دي 👌😉
— شرب كمية كافية من الماء مضافا إليها الليمون قبل وبعد تناول الفسيخ والرنجة .
— أكل كمية كبيرة من الخضروات الورقية عند تناول الفسيخ والرنجة, حيث تعمل علي خروج الماء من الجسم مثل البصل الأخضر, الكرفس, الخس, الجرجير.
— أكل هذه الوجبة مستقلة لا يصاحبها أي بروتين آخر حتي لا تؤثر علي الكلي ويسهل
هضمها.
— تناول الخبز الأسمر المحتوي علي الردة معها يعطي الإحساس بالشبع.
— عدم شرب مياه غازية معها حتي لا تساعد علي احتباس الماء بالجسم لاحتوائها علي
بيكربونات الصوديوم.
— يفضل شرب الماء والشاي الأخضر والكركديه والينسون.
— كما يمكن تناول الكرفس والبنجر وبعض أوراق البقدونس أو ثمرة برتقال أو عمل عصيرمنه أو عصير مكون من الجزر والكرفس والتفاح والكزبرة الخضراء.
— تناول البرتقال والموز والكنتالوب الغني بالبوتاسيوم ليساعد علي إخراج الملح الزائد من الجسم، كما يفيد تناول الكركديه والبقدونس في إدرار البول، وكذلك تناول الأعشاب التي تساعد في تطهير المعدة ومقاومة التلوث مثل الشاي الأخضر مع النعناع أو الزعتر أو القرفة.
لو استفدتوا معلومة ياريت مننساش دعوة يوم الجمعة المبارك ولكم بالمثل ان شاء الله