كتب/د. احمد حمدى
ست البيت وهي بتقطع في اللحمة وشئ طبيعي إن الدهون تكون متداخلة مع أنسجة اللحمة لكن ما تطلعش منها بسهولة زي ما موضح في الصورة .
في الحالة دي لازم ناخد بالنا كويس
عارفين ليه🤔
لان دي حويصلات الديدان الصنوبرية
(الساركوسيست )😮
لو لقيتها ف اللحم ارمي القطعة اللي ف ايدك ع طول واوعى تطبخها. 🤚
ولما هترميها ماترميهاش ف الزبالة لياكلها كلب او قطة لان دول العائل الوسيط بتاعها. 🐕
لانك كده بتساعدها ف استكمال دورة حياتها.
المفروض انك تحرقها. وتحرقها كويس وبعدين ترميها. 🔥
👈طيب هل هترمي كل اللحمة اللي مشتريها؟ 🤔
والله على حسب عدد الحبات دول في القطعة اللي مشتريها يعني لو واحدة بس او اتنين بالكتير ف كل القطعية خلاص اقطع الجزء اللي فيه الاصابة واستهلك الباقي.
لكن لو لقيت اكتر من كده تخلص من الكمية فوراً. ☝️
👈طيب هيحصل ايه لو اكلتها لاقدر الله؟🤔
الساركوسيست بيفرز سم اسمه الساروكوسيستين وده بيسبب اضطرابات ف الجهاز الهضمي من قئ واسهال وغيره. 🤮
👈طيب هتفرق بينها وبين الدهون ازاي ؟🤔
اولا شكلها زي ماقلت زي حبة لسان العصفور او رز بسمتي وطولها مش هيزيد عن 4 سم
ولو جيت تنزعها من اللحم هتتشال معاك وتحس انها متضافة ع اللحم مش جزء منها بعكس الدهون اللي متداخلة ف انسجة اللحم.
الحالات دي غالبًا بتكون في لحوم كبيرة السن