كتب /رفعت جمعه
محمود_ماهر 29 عام مدرس لغة انجليزية من الجيزة
انسان مسالم جدا ومفيش بينه وبين احد اى عدواة او خلافات… متزوج وعنده طفل عمره سنتين..
حد عرض عليه حتة ارض يشتريها عشان خاطر ابنه لما يكبر الفكرة عجبته ولكن الفلوس مش هتكفى.. قال لصاحب الأرض خد مبلع والباقى على أقساط وصاحب الأرض وافق… المهم قعد مع صديق عمره محمد يحكى له موضوع الأرض والدين اللى عليه… #صديقه قاله ادخل معايا جمعية وهتاخد 60 الف جنيه.. تسدد جزء اخر من ديونك… الفكرة عجبت محمود وابتدا يدفع كل شهر من مرتبه أقساط الجمعية.. لحد ما جه دوره… اتصل بصديق عمره عاوز الفلوس… قاله لسه فى ناس مدفعتش اصبر.. مر يوم والتانى وبرضوا اصبر… كلمه قاله صاحب الأرض بيتصل بيا كل دقيقه عاوز فلوسه.. قاله ماشى ربنا يسهل. وبعد كده صديقه محمد بقا يتهرب منه… يروح له البيت ينكر نفسه منه.. يتصل بيه ميردش… محمود راح لناس كبيرة فى الشارع وقالهم يرضيكم يحصل كده من صاحبي محمد … قالوا له هنحل المشكلة حاضر… وكلموا صاحبه وصاحبه زعل واضايق ازاى يشتكيه.. اتصل بمحمود وقالوا بقا كده تشتكينا مش عيب عليك.. على العموم فلوسك موجوده تعالى خدها.. محمود جرى عشان ياخد الفلوس ويروح يسدد قسط صاحب الأرض… ولما وصل المكان اللى قال عليه صاحبه.. وجده يحمل كيس… محمود حب يصالحه قاله متزعلش منى يا صاحبي انى اشتكيتك بس والله غصب عني صاحب الأرض اشتكانى لطوب الأرض… صاحبه طلع من الكيس سكين وغرسه فى قلب محمود.. 17 طعنة مزقت جسده.. محمود بقا يضرب بالسكين ويتسال انا عملت ايه.. هو فعلا عمل ايه.. كل ده عشان طلب فلوسه من صديقه.. تأكد الصديق ان صديق عمره مات.. وحمل الجثة فى توك توك والقاها فى كوم قمامة.. وانصرف.. ويتم ابنه.. وجعل زوجته ارملة.. وحرم اهله منه.. قتل صديقه عشان 60 الف جنيه.. .. ياريت حكم رادع وسريع على هذا الخائن الجبان..
اللهم اكفني شرّ أصدقائي.. أمّا أعدائي فأنا كفيل بهم